Kynþáttasprengjur og dularfull dauðsföll vísindamanna—seinni hluti

20. mars 2005 | Jóhannes Björn

Tryggingafélög græða peninga á að reikna út meðaltal allra mögulegra hluta. Ef t.d. eitt hundrað skrifstofumenn á aldrinum 40–45 ára kaupa sér líftryggingu þá tapar tryggingafélagið eflaust á nokkrum þeirra, en meðaltalið tryggir að þegar upp er staðið skila allir samanlagt gróða. Á þennan hátt eru lífslíkur allra hópa reiknaðar út og spáð í tíðni algengra slysa. Ef tryggingafélagið verður vart við mikil frávik þá ganga menn út frá því sem vísu að eitthvað óeðlilegt sé að gerast.

Sérfræðingar í örverum og sýklahernaði eru ekki fjölmenn stétt og því hefur ýmsum þótt nóg um hve margir vísindamenn á þessu sviði deyja um aldur fram. Ekki er þó vitað til þess að dæmið hafi verið reiknað í botn með aðferðum tryggingafélaga, en ef litið er á tveggja ára tímabil þá er ljóst að slíkir útreikningar eiga fullan rétt á sér.

Þegar flugvél á leið frá Ísrael til Rússlands var skotin niður með eldflaug nálægt Svartahafi 4. október 2001 þá fórust með henni fjórir eða fimm lífeðlisfræðingar (yfirvöld voru eitthvað treg við að gefa upplýsingar) sem talið er að hafi unnið við sýklarannsóknir. Vélin var á leið til Novosibirsk—miðstöð sýklarannsókna í Rússlandi með yfir 50 rannsókanastofur—þar sem víðtækt samstarf við Ísrael hófst eftir að járntjaldið hrundi. Stuttu síðar, 24. nóvember 2001, fórust þrír af fremstu örverufræðingum Ísrael—Avishai Berkman, Amiramp Eldor og Yaacov Matzner—í öðru flugslysi.
12. nóvember 2001. Dr. Benito Que, lífeðlisfræðingur, fannst meðvitundarlaus nálægt rannsóknarstofu sinni við sjúkraháskólann í Miami. Hann lést skömmu síðar á sjúkrahúsi. http://home.comcast.net/~typezero/14.htm
10. desember 2001. Dr. David Schwartz, lífeðlisfræðingur og DNA sérfræðingur, myrtur í Virginíufylki í Bandaríkjunum.
14. desember 2001. Dr. Set Van Nguyen, sem annað hvort vann að gerð sýklavopna eða bóluefni geng þeim í Ástralíu, fannst látinn í kæliklefa rannsóknarstofunnar þar sem hann vann. Meðal samstarfsmanna hans voru dr. Ron Jackson og dr. Ian Ramshaw, en vísindaritið Nature skýrði frá því í janúar 2001 að þeim hafi tekist að búa til ótrúlega öflugt afbrigði af bólusótt.
16. desember 2001. Dr. Don Wiley (kvæntur íslenskri konu), DNA og sýklasérfræðingur við Howard Huges Medical institute að Harvard, féll af brú og drukknaði fyrir utan Memphis í Tennessee. Hvers vegna hann ók á þennan afskekkta stað um nótt er vægast sagt ráðgáta, en hann var á ráðstefnu í Memphis. http://www.laskerfoundation.org/news/wiley.html
Janúar 2002. Dr. Alexi Brushlinski, heimsþekktur vísindamaður, myrtur í Moskvu. http://www.devvy.com/micro_20020424.html
Janúar 2002. Dr. Ivan Glebov, þekktur sýklafræðingur, myrtur í Rússlandi. http://home.comcast.net/~typezero/
9. febrúar 2002. Dr. Vladamir Korshunov, sem Pravda (9. febrúar 2002) sagði hafa annað hvort þróað sýklavopn eða bóluefni gegn þeim, fannst látinn með áverka á höfði á götu í Moskvu.
12. febrúar 2002. Dr. Ian Langford, fertugur Rússi sem starfaði í Bretlandi við rannsóknir á umhverfissmiti, fannst látinn að heimili sínu. Hann var ataður blóði og húsið hafði verið rannsakað.
28. febrúar 2002. Tanya Holzmayer, rússneskur sýklafræðingur sem starfaði í San Francisco og fyrrverandi starfsfélagi, Guyang Huang, liggja í valnum. Svo virðist sem Guyang hafi skotið Tanya og síðan framið sjálfsmorð. http://www.zetatalk.com/theword/tword25t.htm
24. mars 2002. Dr. David Wynn-Williams, örverufræðingur sem sérhæði sig í aðlögunarhæfni örvera, dó þegar hann var að trimma og bíll ók á hann.
25. mars 2002. Dr. Steven Mostow—uppnefndur "doktor inflúensa" vegna sérþekkingar á sýklahernaði—deyr í flugslysi í Colorado í Bandaríkjunum.
2003. Ekki færri en 310 vísindamenn frá Írak eru sagðir hafa verið myrtir af útsendurum leyniþjónustu Ísrael síðan í apríl 2003. Þetta er auðvitað fullyrðing sem ekki verður staðfest í mörg ár … eða aldrei.
24. júní 2002. Dr. Leland Rickman, 47 ára sérfræðingur í alls konar smitsjúkdómum og stjórnarformaður Infectious Disease Association of California, dó í S-Afríku. Hann kvartaði yfir höfuðverki, en dánarorsök er enn á huldu.
18. júlí 2003. David Kelly, heimsfrægur breskur sérfræðingur í sýkla- og efnahernaði, er sagður hafa dáið eftir að hafa skorið sig á púls er hann var á vappi nálægt heimili sínu. http://www.fromthewilderness.com/free/ww3/101403_kelly_1.html
11. október 2003. Michael Perich, 46 ára sýklafræðingur í Louisiana, keyrir bíl sinn út í vatn (án sýnilegra utanaðkomandi truflana) og drukknar.
20. nóvember 2003. Robert Leslie Burghoff, sýklafræðingur, drepinn í umferðaslysi en sökudólgurinn keyrir í burtu.

Svipuð dánartíðni hélt áfram 2004.